Daily Newspaper

Total Lockdown hnai vut vut lo

17

Aizawl, July 16 : Nilaini vel atang khan total lockdown a hnai tiin thu a thang a, mahse a than dan ang vut vut hi chuan a hnai lo a, tumna chu a awm nia hriat a ni.

Inkharkhip kal lai hi July ni 15 thleng atana tih a ni a, hei hi Ningani zan dar 12 thleng tur a ni. State Disaster Management Authority hnuaia State Executive Committee chuan June ni 30 zing dar 4 atanga July ni 15 thleng atan June ni 29 khan Standard Operating Procedure (SOP) a chhuah a ni. Inkharkhip kal lai a lo tawp dawn hnai nen, hri kai hriatchhuah an awm belh bawk nen, total lockdown-in a chhunzawm dawn tiin a thang ta a ni-a ngaih a ni.

July ni 15 hnu lama Mizoram kal dan tur hi thuneitute’n an ngaihtuah a, inkaihhruaina hi July ni 17 (Inrinni) zanlai dar 11:59 thlenga hman chhunzawm turin pawhsei phawt a ni a. July ni 15 thlenga inkharkhip hi total lockdown-in zui nghal vut vut lo mah se rei lo te-ah total lockdown hi neih a ni dawn tih thu dawn a ni.

Thudawn pakhatah chuan chawlhkar tharah total lockdown hi neih a ni dawn a, a hma ang bawka khauha kal tum a ni.

Hun engemaw chen total lockdown neih a nih hnuah kar hmasa atang khan tlema inthlahdul deuh a ni a, inkharkhip chu la ni tho mah se a hma anga inkharkhip pumhlum a ni ta lo. Mahse hri a darh zel a, chawlhkar hnih inthlahdul hnu-ah total lockdown hi neih leh a ni dawn ta tih thu dawn a ni.

Central YMA chuan total lockdown neih an duh a, thuneitute hnena an rawtna pawh Ningani khan health minister hova thukhawmte’n an ngaihtuah.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy