Daily Newspaper

Tottenham in Son an thlung nghet

21

Tottenham player pawimawh ber Harry Kane dinhmun a chiang lo zui zel a. Kane a chh-uah chuan Son Heung-min a chhuak ve mai ang a tih zawhna chu chhanin a awm a. South Korea forward Son Hueng-min chuan kum li dang cham belh leh turin Tottenham-ah contract thar a ziak fel.

London club lian Tottenham hian kum 2015 khan Bayern Lever-kusen atangin Son hi an la lut a, an la lut fuh hle. Spurs tlarhmaah Harry Kane nen an inkawp chu tlarhmaa inkawp fuh ber pawl an ni ta hial. Season liam ta khan Kane nen an inkawp hian goal 14 ngawt an thawkchhuak a. Professional Footbal-lers’ Association Team of the Year-ah an hming a lang ve ve. Son hia season liam ta khan Spurs tan vawi 51 zet a khel a, goal 22 a thun tling. Hei hian Spurs player pawimawh a nihzia a lantir chiang viau a ngaih a ni. Tottenham tan hian inelna hrang hrangah vawi 280 zet a inlan tawh a, goal 107 a thun tling tawh bawk. Tottenham in a vawikhat nan champions league final an luh theih nan alo thawh-hlawk hle tawh a, City laka goal hnih a thun chu final an luhpui a nih kha.

Club tan a chet that ang bawkin South Korea tan pawh a che tha viau bawk. South Korea tan hian vawi 93 a khel tawh a, goal 27 a thun tling tawh. World Cup vawi-hnih khel tawh in, World Champion Germany laka a goal thun chu ram tan a goal thun pawimawh bera ngaih a ni.

Tottenham hian season liam ta khan English Premier League-ah beisei an phak lova, pasarihna niin inelna thar Europa Conference League an khel pha tawk. Season tharah tha zawka inlan tumin manager thar Nuno Espirito Santo an ruai. An player pawi-mawh Harry Kane an chan ngei tura ngaih a nih laia Son a thlung nghet thei hi an tan chuan chanhin lawm-awm tak a ni ngei ang. Son hian kum 2025 thleng cham turin contract a ziak thar a. Spurs-ah contract thar ziah chu thutlukna siam awl tak, ingaihtuahbuai ngai lo thil a nih a thu a sawi a. Hun tha leh ropui zawk tawngbaw tura a in buatsaih thu a sawi tel bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy