Zirtawp zan leh Irinni zan khan FA Cup fourth round khelh a ni a. Champion lai Manchester City chuan si khat faiin Tottenham Hotspurs an hneh a, an hnawt-chhuak. EPL club Everton chu EPL-a an elpui Luton Town hneh lovin an tla ve bawk.
Champion lai Manchester City hi team lian Tottenham mualah an lenglut a, an trophy kawl mek hloh thei dinhmunah an ding. EPL-a an elpui team lian lakaj hian hun tawp dawn hnaih minute 88-naah defender Nathan Aké chuan goal pawimawh tak a thun a, fifth round an inhlangkai a, Tottenham an tla. Zirtawp zana inkhel dangah Chelsea leh an mikhual Aston Villa chu goal awm lovin an inhnehtawk a, inkhelh nawn leh an ngai dawn.
Inrinni zana inkhelah Everton chuan Goodison Park-ah EPL-a an elpui Luton Town an mikhual a. An mikhual lakah 2-1 in an tlawm a, an tla ve bawk. Everton vanduai zanah hian National League team Maidstone United chuan FA Cup a inlehthalna lian ber pawl an thlentir a. An khingpui Ipswich Town chu 2-1 in an hneh nawlh a, fifth round an inhlangkai ve nawlh bawk.
Tottenham leh Everton an tla
