Travis Scott album thar ‘Utopia’ chu Billboard 200 (albums) chart No.1-aha debut a, a he chart-a No.1 kai thei album pathum a neihna niin, Post Malone album thar ‘Austin’ pawh No.2-ah a debut a, he chart top 5-a kai thei album panga a neihna a ni ve bawk.
Billboard 200 hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla mal hralhna atanga album tlukpui te belhkhawm thin a ni.
Travis Scott album thar ‘Utopia’ hi kar khat chhungin US-ah 4,96,000 hralhin, chung zinga 2,43,000 chu streaming atanga album hralhna tlukpui (on-demand official stream maktaduai330.68) niin, album tak tak hralh zat chu 2,52,000 a ni a, album-a hla mal hralhna atangin 1,000 a tling thei bawk.
He album, hla 19 awmna hi R&B/Hip-Hop emaw rap emaw album, kumina tlangzarhah chuan kar khat chhunga hralh hnem ber a la ni a, he album-ah hian zaithiam lar hrang hrang a thawhpui nual a, chung zinga zaithiam 10 ohei chu he chart-a No.1 album lo nei tawh thiau niin, 21 Savage, Bad Bunny, Beyonce, Drake, Future, Lil Uzi Vert, Playboi Carti, SZA, The Weeknd leh Young Thung te pawh an zingah an tel.
‘Utopia’ hi 2018-a a album ‘Astroworld’ hnuah Travis Scott solo album he chart-a No.1 kai leh thei hmasa ber a ni a, a No.1 album pathumna a ni bawk. ‘Astroworld’ leh ‘Utopia’ inkarah 2020 khan Jackboys supergroup angin an self-titled album chu No.1 an lo kaipui tawh bawk a ni.
Post Malone album thar ‘Austin’ chu 1,13,000 hralhin No.2-ah a debut a, chung zinga 78,000 chu streaming atanga album hralhna tlukpui (on-demand official stream maktaduai 101.14) niin, album tak tak hralhna chu 34,000 a ni a, album-a hla mal hralhna atangin 1,000 a tling thei bawk.
Chart No.1 hlui Moragn Wallen ‘One Thing at a Time’ chu 96,000 hralh lehin No.3 a la ni a, he album hi an tlangzarh atanga kar 22-na a ni a, tun hi kar khat chhunga 1,00,000 an hralh tlin lohna hmasa ber a ni a, kar 21 chhung chu kartin 1,00,000 an hralh tling ziah a, hetiang ti thei album awm chhun a la ni.
Barbie film soundtrack album chu 91,000 hralh lehin No.2 atangin No.4-ah a tawlh a, chart No.1 hlui Taylor Swift ‘Speak Now (Taylor’sVersion)’ chu 66,000 hralh lehin No.4 atangin No.5-ah a tawlh a, kar kalta No.1 K-Pop girl group NewJeans ‘2nd EP ‘Get Up’ chu 55,000 hralh lehin No.1 atangin No.6-ah a tawlh a, Peso Pluma ‘Genesis’ chu 50,000 hralh lehin No.5 atangin No.7-ah a tawlh ve ta bawk.
Top 10 khartu dang album pathum te pawh chart No.1 hlui vek an ni a, Taylor Swift ‘Midnights’ chu 49,000 hralh lehin No.6 atangin No.8-ah a tawlh a, Morgan Wallen ‘Dangerous: The Double Album’ chu 49,000 tling lo deuh hralhin No.7 atangin No.9-ah a tawlh a, Taylor Swift ‘Lover’ chu 43,000 hralh lehin No.10-ah bawk a la awm.
Travis Scott-a’n No.1 album 3 a nei tling ta
