Daily Newspaper

Tribal Power hi ka music taste min thlak saktu an ni- Sailova

18

Mizo mipa zaithiam zinga vawiin thlenga huhang nei lian ber la ni reng Vanlalsailova chuan Tribal Power show-a a tel thei leh an hla a sa thei chu nuam a tih a thu sawiin, Tribal Power frontman OP-a chu Mizo mipa zaithiam zinga a aw a duh ber a la nih reng thu a sawi a, Tribal Power hi awm lo se tuna a music taste ang hi a nei ang em tih pawh ngaihtuah tham tak ni a a hriat thu a sawi bawk.

Sailova hian Tribal Power music video ‘Speed 30,000’ tlangzarhnaah an hla ‘Mamawh Chhanna’ a sa a, “An hla hrang hrang karah an gospel hla a ni a, ngampa takin ka sa ve a ni,” a ti a. Mizo rimawi khawvela a mi ngaihsan OP-a leh Muanpuia (Dreamhunter) leh bulah telin, a zai thei chu nuam a tih thu a sawi bawk.

Sailova chuan, “Tribal Power hi kan tleirawl lai atanga ka ngaihsan a ni a. OP-a hi ka zaithiam duh ber a ni. OP-a leh Tribal Power hi lo chhuak lo se hetiang style hi ka nei ang em tih pawh ngaihtuah tham a ni. Tribal Power hi ka music taste min thlak saktu an ni. OP-a hi vawiin thlengin Mizo mipa zaithiamah chuan a aw hi ka duh ber a la ni reng,” a ti.

Sailova chuan Tribal Power chu rimawi lama a zinkawngah an pawimawh hle ni a sawiin, “Rawn chhuak hmasa an ni a, min tiphurtu an ni a, tun thleng hian an hla te hi YouTube-ah te ka la ngaithla thin,” a ti bawk.

Sailova leh YouTube sawi takah chuan a YouTube channel chu midangte promote nana hman tangkai a tum thu a sawi a, “Music video dah nan ringawt lo deuh hmang ve ila ka ti a, mi talent nei tha te pho chhuah nan te hmang ve ila ka ti a. Mi hian min kawm min kawm a, keimah zawkin midang hi kawm ve ila te ka ti a ni,” tiin a YouTube channel chu hman tangkai a tum thu a sawi bawk a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy