May 30 khan Mamit district-a hmun hnihah Burma atanga dan loa tawlh kuhva rah bag 550 an man.
Thudawn danin, Mizoram Police leh BSF tangdun chuan Thawhlehni chawhnu dar 2.30 khan Kanhmun leh Luimawi inkarah dan loa kuhva rah phur truck 6, Tripura state registration nei vek an man a, truck pahnih hi James Zoliana (33) Kanhmun ta a ni a, truck pathum hi Joseph (39) Kanhmun ta, truck pakhat dang hi Farid Uddin Bhagyapur, N. Tripura district ta nia sawi a ni a, a khalhtu pawh hi Tripura lam mi Abdul Kayum a ni. Kanhmun khaw mi pahnih ta truck 5 te hi a khalhtuten Kanhmun khaw daiah an tlanchhiat san a, Tripura lam mi ta truck khalhtu hi chu man tel niin, an kuhva phurh hi a vaiin bag 370 niin, bag 60 dang Lalmuanawma, Luimawi khua kudam atangin an man belh a, a vaiin bag 430, kg. 35000 chuang man a ni.
Thawhlehni vek zan dar 8.30 vel khan Highway Junction, Mamita police duty-te chuan truck pakhat atangin dan loa phurh kuhva rah bag 120 an man bawk a, a neitu hi Lalhmunsiama (35) Saitual Venglai a ni. Kuhva rah man zawng zawng hi Customs Department kuta hlan a ni.
Truck 7 atangin kuhva bag 550 man
