Trump-a a president avanga phurna thar nei Netanyahu
US inthlanpuiah Donald Trump a tlin tak avangin Israel prime minister Benjamin Netanyahu chuan phurna thar a neih thu a sawi.
Israel PM chuan Trump chu a lawmpui tak zet thu a sawi a, ‘Khawvel hawiher thlak danglamtu tur’ a ti chuak hial a ni.
Trump hian a term hmasa lamah pawh Israel hi a pui nasain, kawng engkimah a thlawp tha hle thin a, a sorkar tharah pawh hian Israel chuan beiseina sang tak an neih zui thu Netanyahu chuan a sawichhuak.
Trump-a term hmasa tawp hnuah Israel chuan thil tam tak tawng tawhin, middle east indona nasa tak an hmachhawn a, Netanyahu chuan a cabinet te siksawi kual ngai hial khawpin buaina a tawk tawh bawk.
Israel journalist leh Netanyahu chanchin ziaktu Mazal Mualem chuan tunhnai khan heng thute hi sawichhuakin, an prime minister tana tha ber chu Trump-a sorkar a piang leh tur hi a nih thu a sawi a, an prime minister chu ‘Bibi’ tia sawiin, ‘Bibi tan chuan Trump-a tluka hlu leh tha an awm lo,’ tiin a sawichhuak hial.
Trump-a a president avanga phurna thar nei Netanyahu
