Trump-a sorkar thawhpui turin India a inpeih : UN India ambassador
United Nations-a India permanent representative ambassador Parvathaneni Harish chuan US president thlan thar Donald Trump leh a kaihhruai sorkar nena thawhhona tha zawk nei turin India chu a inpeih reng thu a sawi.
Columbia University-a a thusawinaah Harish chuan he thu hi sawiin, US leh India inlaichinna chu tunhma atanga a that reng thu leh, India sorkar pawhin inzawmna tha lehzual neih a nih zel theih nan a inhawn reng thu a sawi a ni.
American mipuite chu duhsakna hlanin, an duhthlanna thiang tak hmanga an ram hruaitu lu an thlang thei chu a fak a, ram pahnihte chuan a mipuite inzawmna leh intlawhpawh tawnna tha zawk an neih zel a beisei thu a sawi bawk.
Harish hian US president thlanna neih zawh taka Trump-a’n hnehna a chang chu India chuan lawmawm a tih thu sawiin, Democratic candidate, vice president ni lai Kamala Harris chu tling zo ta lo mah se, India thisen kai a nihna lai a la awm avangin inpawh tawnna leh inkungkaihna tha zawk an neihpui zel a la beisei thu a sawi bawk a ni.
Trump-a sorkar thawhpui turin India a inpeih : UN India ambassador
