Trump-a’n fimkhur tura sipai lalin a ti nia sawi dik lo ti

Trump-a’n fimkhur tura sipai lalin a ti nia sawi dik lo ti
President Donald Trump-a chuan a sipai adviser lawkin Iran laka thlawhna hmanga beihpui thlaknaah fimkhur turin a ngen nia sawi awm chu a dik lo tih a sawi a, general chuan ‘awlsam taka hneh theih’ ring zawk tih a sawi.
Joint Chiefs of Staff chairman, Air Force General Dan Caine chuan Iran laka beihpui thlak chu hlauhawm tak a nih theih thu a vaukhân a, hei hian US chu hun rei tak chhung buaina chhuakah a hruai lut thei niin US chanchinbute chuan an tar lang a ni.
General Caine hian sipai hmalakna chuan he bial chhung zawngah nghawng a nei thei tih a vaukhân niin an sawi a, Iran thurualpuite phuba lakna emaw, indona lian zawk emaw, US sipai tam zawk mamawhna tur emaw pawh a tel thei niin an sawi.
Truth Social-a post thui tak a siamah Trump chuan he report-te hi ‘a lem’ (fake news) tiin a sawi ve thung.
President chuan, “General Caine-a hian keini ang bawkin indona thlen loh a duh a; mahse, sipai chaknaa Iran do tura thutlukna siam a nih chuan awlsam taka hnehna channa tur a ni ang tih hi a ngaihdan a ni,” tiin a ziak.
Trump-a chuan, “Iran beih loh chungchang a sawi lo a, ka chhiar ṭhin Tuan chin neia beihna lem pawh a sawi hek lo,” a ti a. “Thil pakhat chauh a hria a, hnehna chan dan tur a ni a, chutianga ti tura tih a nih chuan a hmahruaitu a ni ang,” a ti bawk.
US hian tun hnai kar engemaw zat chhung khan he biala sipaite a thuam chak a, kum sawm tam tak chhunga a inchhawp tam ber zinga mi a ni hial a, Iran chu a nuclear programme tihtawp turin a nawr mek a ni.
Chanchinbu dang, Axios leh The Washington Post te pawhin General Caine-a leh Pentagon hotu dangte chuan Iran laka US sipaite beihpui thlakna tur hlauhawm chungchangah anmahni bilin ngaihtuahna an seng nasa tih an lo tarlang tawh a ni.
Thil hrechiangtu mi eng emaw zat thu tarlangin thuthang tar lang hmasa bertu, Axiod chuan Trump-a hnaiha mi eng emaw zat zingah Caine-a hi president hnena fimkhur taka kalpui tura a ngentu a ni tih a sawi.
Special Envoy Steve Witkoff leh Trump-a makpa, Jared Kushner te hian Geneva-ah Iran aiawhte Ninganiah an kawm leh dawn a, hei hi an pahnih inbiakna hnuhnung ber a ni.
Trump hian Iran laka beihpui thlakna turin a ngaihtuah mek thu a sawi a. February 19 khan khawvelin ‘ni 10 chhungin US hian Iran nen inremna a siam dawn nge sipai chakna a hmang dawn tih’ a hre dawn tih a sawi.
“Inremna awmze nei tak kan siam a ngai a, chuti lo chuan thil tha lo a thleng thei a ni,” a ti bawk.
Inbiakna neih chhunzawm zel a nih lai pawhin US sipaite chuan Iran hnaihah sipai a dah belh zel a, hmanruate tuialhthei thuntu leh thlawhna lian tam tak leh lawng sipai tam tak a chhawp.
BBC chuan khawvela indo lawng lian ber, USS Gerald R Ford chu Thawhtanni khan Strait of Gibraltar kaltlangin Mediterranean lam panin a kal tih a puang a. Ship-tracking data chuan indo lawng dang, destroyer zinga mi USS Mahan pawhin Strait kaltlangin a paltlang tih a nemnghet bawk.
Gerald R Ford hian Thawhtanni khan Morocco Atlantic tuipui kama a awmna hmun hi hun rei vak lo a chhuahsan tawh a, Middle East-ah a kal dawn nia ngaih a ni a, tun kar tir lam khan US aircraft carrier dang USS Abraham Lincoln chu an lo zui tawh a ni.
Sipai chungchang hriate chuan tun tuma sipai a chhawp hi US-in January thlaa Venezuela President Nicolas Maduro man tura sipai beihpui thlak hma emaw, nikum June thlaa Iran nuclear hmunhmate thlawhna hmanga a beih hma emaw aiin a chet chhuahtir tan zawk niin an sawi.