Trump-a’n nasa zawka Iran-a Kharg Island beih tum

Trump-a’n nasa zawka Iran-a Kharg Island beih tum
US President Donald Trump-a chuan Iran-a tuialhthei thawn chhuahna hmunpui, Kharg Island chu beih leh a nih tur thu a sawi a, Tehran pawhin na zawka chhan let a nih tur thu a sawi ve bawk a. Hei Vang hian president chuan khawvel puma energy phurhna kawng lun, Strait of Hormuz venhimna atan indo lawng dah turin a tangrual ramte a ngen.
US-Israeli tang dunin Iran laka beihpui a thlak chawlhkar thumna a ni ta a, Trump-a chuan US beihna avang hian thliarkar hmun tam zawk chu ‘chhe vek’ tih a sawi a, a chhiat zel tur thu pawh Inrinni khan NBC News a hrilh a. “Hlimna atan kan kap leh mai thei,” a ti.
He a thu sawi hi Trump-a’n buaina a tihpun theihna nasa tak a ni a, a hmain US hian Kharg-a sipai hmunte chauh a beih thu a lo sawi tawh a, hei hian palaia indawr tura hmalaknate pawh a tichhe hle a. A sorkar hian Middle East tangrual ramten inbe tura an inhawn rilrukna chu a hnawl niin Reuters chuan hmun thum atangin a dawng tih a tar lang.
Indona hi a tawp mai dawn lo niin a lang mek a, tuialhthei sumdawnna pawh Iran-in Strait of Hormuz a khar avangin a la awm reng dawn niin a lang bawk.
Trump-a chuan Tehran chu buaina tihtawp tura inremna siam turin a inpeih tawh niin a lang tih a sawi rualin ‘an rawtna a la tha tawk lo’ tih a sawi.
Tehran-in khawvela tuialhthei phurh hmun ngaa thena hmun khat kalna, Strait of Hormuz a dan chu tawp theih nana hmalakna a awm thuai a ngai a, US leh a tanpui ramte chu khawvel eibar tichhe vek thei an ni mek.
Indona hian tuialhthei phurhna harsatna lian ber a thlen avangin energy man a sang hle tawh a, sumdawng leh sorkarte a ti buai hle.
“Hormuz Strait kaltlanga tuialhthei dawngtu ramte hian kawngpui hi an enkawl a ngai a, kan pui ang — NASA TAKIN!” tiin Trump-a hian Inrinni khan social media-ah a tar lang a. “US pawhin chung ramte nen chuan inremna a siam ang a, engkim a kal chak ang a, a tluang ang a, a tha ang,” a ti.
Iranian Foreign Minister Abbas Araqchi-a chuan Iran chuan a energy hmunhmate beih a nih chuan a chhang let dawn tih a sawi ve bawk.
Iran Revolutionary Guards chuan Pathianni khan Israel leh he biala US hmunpui pathum chu missile leh drone hmangin an beih tih an sawi a, Iran-a industrial area-a hnathawk thite phuba lakna atana an vawi khat chetna a nih thu an sawi a. Israel sipaite chuan an hawia ralthuam kahte an lo dang tih an sawi ve bawk.
Saudi Arabia chuan Riyadh leh khawchhak lamah drone 10 a lo dang a, a tichhia niin defence ministry chuan a sawi a. Iran Revolutionary Guards erawh chuan hei hi anmahni nen inzawmna awm lo niin Fars news agency chuan a tar lang.
Zirtawpnia drone-a beiha kangmei a chhuah hnuah United Arab Emirates-a lawngte an tuialhthei hman an thun thinna, Fujairah-ah tuialhthei hlan leh tan a ni tih Fujairah-a industry-te chuan a sawi.
Inrinni khan US chuan an mite chu Iraq chhuahsan turin a hrilh.
February 28-a Trump-a leh Israeli Prime Minister Benjamin Netanyahu-a ten indona an tanah hian mi 2,000 chuang an thi tawh a, a tam zawk hi Iran-a mi an ni tih sorkar leh sorkar chanchinbute chuan an tar lang a. Iran khawpui laili, Isfahan-a thlawhna hmanga thil dah vawhna leh tihlumna factory beihnaah mi 15 an thi tih Fars news agency chuan Inrinni khan a tar lang.