Daily Newspaper

Trump-an Tik Tok leh WeChat khapna turin hming a ziahhnan

16

US President Donald Trump chuan China app lian ber pahnih TikTok leh WeChat te khapna tur executive order siamin a hming a ziah hnan ta.

Thupek pahnih a siamah US firm-te chuan heng company pahnihte nena inzawmna an neih chu ni 45 chhungin an bansan tur a ni a. Trump chuan chetlakna a neih chhan chu ‘national security humhim nan’ tiin a sawi.

He hmalakna hi Washington in Beijing nena global technology a thuneihna inchansiak tuma an intlansiaknaa ram pahnih boruak nasa zawka tichhe zual thei tur a ni a.

A hmain Trump chuan US company Microsoft te chu 15 September thlengin TikTok lei theihna hun a lo pe tawh thung.

Ningani khan Washington chuan Chinese firm US stock market a indahlutte chuan an account audit-na an pe lo a nih chuan list atanga paih tur a lo ti tawh bawk.

Trump-an order pahnih a siamah ‘information technology leh services supply chain lamah national emergency kaihhnawihah chetlakna neih a ngai’ tiin a sawi a.

“People’s Republic of China (China) company tena mobile application an siam chu United States ah a darh nasat zel avangin hei hian national security, foreign policy leh United States economy tana hlauhawm a siam a ni” tiin a sawi bawk.

Heng app pahnih te hi ‘hlauhawm’ ti sawiin thupek a siam pahnihah chuan he apps kaltlanga Chinese te hnen emaw an kaihhnawihte hnena thil dah hrim hrim chu khap a nih thu a sawi a ni.

He thupek hian National Emergencies Act leh International Emergency Economic Powers Act te chu behchhanah a hmang a ni.

Trump thupek chuan TikTok data lakkhawm te hmangin China chuan US sorkar hnathawkte leh mimal information pawimawh te chu blackmail nan te leh company inenthlak ruk nante an hmang thei tiin a sawi bawk.

TikTok chuan politics kaihhnawih thil pawimawh China in a duh loh Hong Kong protest te, Beijing in Muslim minority Uighurs te chu a censor vek tiin a sawi bawk.

US President chuan Department of Homeland Security, Transportation Security Administration (US airport screening kalpuitute) leh US Armed Forces-te chuan TikTok chu an lo khapsa tawh a nih thu a sawi bawk a.

Heng company pahnih neitu ByteDance leh Tencent te chuan engmah sawi an la nei lo thung.

THE AIZAWL POST
~Rampawn~

HOME>> The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy