Daily Newspaper

Trump-a’n US mipui te Covid-19 hlau lo turin ngen

29

US President Donald Trump chuan Covid-19 a vei avanga zan thum damdawi Ina hun a hman hnuah White House-ah a let leh tawh.

President hian White House balcony-ah a hmaituamna a pherh a, White House-ah hian tun hnaiah staff thahnem takin Covid-19 an kai a ni.

“Ka tha e” tiin Trump chuan tweet zuiin, “Covid hi hlau suh u. I nun a thunun phal suh u,” a ti zui bawk.

US-ah hian Covid-19 kai maktaduai 7.4 an awm tawh a, nunna chan pawh 210,000 lai an awm tawh bawk a ni.

Americans te chu Covid-19 hlau lo tura ngenin Trump chuan, “Kum 20 kalta ai khan ka tha zawkin ka hria” a ti a, “Campaign ka chhun zawm vat ang,” a ti zui bawk.

Trump chuan video message hmangin American mipuite chu hnathawk chhunzawm turin a ngen bawk a.
“Coronavirus hi in hneh thei,” a ti a, “Medical hmanrua kan nei tha ber a, damdawi kan nei tha ber bawk,” a ti zui a.

Trump chuan, “Hman ka’n hruai ang a. In hruaitu ka nih angin hma ka hruai a ngai a. Hlauhawm a awm tih ka hria a, mahse, ka tih a ngai a, hma hruaiin chet kan la a ni,” tiin a sawi bawk.

“Tunah chuan ka tha a, virus kai thei tawh lo ka ni em ka hre lo,” a ti bawk.

Vaccine peihfel vat a nih tur thu a sawi bawk a. Mahse US Centers for Disease Control te chuan nakum kum laihawl hma chuan vaccine a nawlpui tana neih hman a nih an rin loh thu an sawi thung.

Trump doctor ten eng nge an sawi?
Navy Cdr Sean Conley, White House physician chuan Trump chu ‘Covid-19 lakah a la him famkim lo mai thei’ tiin a sawi a.
Mahse, medical team te chuan Trump dinhmun leh pawimawhna hriain damdawi In a chhuahsan an remtih thu a sawi a, White House-ah 24/7 chhungin world-class medical care pek a ni ang, a ti bawk.

Dr Conley chuan Trump chu a negative ta em ni tih leh an enkawl dan kimchang an zawhna chu a chhang duh lo thung a. President-in pneumonia a neih leh neih loh an zawhna pawh patient protection law behchhanin a sawi duh lo a ni.

Mahse, Trump chu steroid dexamethasone pek chhunzawm rih reng a nih thu sawiin antiviral drug remdesivir pawh dose li pek ni tawhin White House-ah dose khat pe lehin dose nga pek a nih tur thu a sawi bawk.

President Trump an damdawi In a chhuahsan lai hian a press secretary Kayleigh McEnany chu high-profile zinga positive thar ber a ni a.

US media-te chuan McEnany hian Pathianni khan hmaikawr vuah lovin journalist te a bia an ti a, mahse, White House medical unit te chuan press mite pakhatmah hnaih angin an sawi lo thung.

First Lady Melania Trump leh senior aides leh Republican senate pathum te pawhin Covid-19 hi an kai a ni. Melania hian a la kai lo nia sawi a ni bawk a. Tihian Trump hnaih tak tak mi 12 in Covid-19 an kai a ni.

Heng mite hi 26 September a White House Rose Garden a pungkhawm te an ni a, kha punkhawmna kha US media te chuan ‘super-spreader event’ an tihsak zui a ni.

26 September a pungkhawm zinga virus kai thar ber chu California a Pastor Greg Laurie niin Covid-19 a la na lo thung a, Pastor Greg Laurie hi United States Vice President Mike Pence nen pawh kha mi ni khan central Washington DC ah prayer march neiin an tel dun nghe nghe a ni.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy