China hruaitu Xi Jinping chuan US president kalchhuak tep Joe Biden nena an inkawmna hnuhnung berah president thar Donald Trump nen thawhdunna tha tak an neih ngei a tiam.
Hemi a sawi pah hian Washington-a sorkar-na fawng chelhtute chuan cold war hi an do tur a ni lo a, hneh theih a ni lo, China thunun hi a finthlak loh a, an hlawhchham zel ang, tiin Trump tana vaukhanna niawm taka ngai Xi hian a sawi tel hram thung a ni.
China hruaitu lu chuan China leh US chuan inlaichinna nghet tak an neih a tul thu sawiin, ram pahnihte chu khawvel tan an pawimawh dun em avangin thawhhona tha an neih zel a ngaih thu Biden hnenah hian a sawi bawk.
Inrinni khan ram pahnih hruaitute hi Peru-a Asia-Pacific Economic Cooperation (Apec) summit neih thinah an inhmu a, Biden pawhin Xi hnenah kum li thuneihna a chan chhunga an inlaichinna a that em avangin lawmthu a hrilh bawk a ni.
Trump nen thawhdunna tha an neih ngei tur thu Xi-a’n Biden a hrilh
