Daily Newspaper

TT camp zawm lo tur Batra

33

Commonwealth Games table tennis gold medalist Manika Batra chuan tunthla chhunga tan hman tura beisei national camp a zawm ve dawn lo tih Table Tennis Federa-tion of India (TTFI) Secretary-General MP Singh chuan nimin khan a nemnghet.

Table tennis star Batra chungchang sawi-in Singh chuan, Benga-luru khawpuia national camp a zawm loh tur thu leh Pune lama practice a chhunzawm tur thu min hrilh a, he khuaah hian lockdown tantirh atang khan inbuatsaihna a kalpui chho reng a ni,” a ti.

India sawrkar sports ministry hian India tana Olympic medal hawn thei tura beiseite chu a bikin a hrual a, sum lamah pawh tanpuina a pe chho mek a, chu chu Target Olympic Po-dium Scheme (TOPS) an ti a, Batra pawh hi TOPS hnuaia vulh bik zingah telin, SAI nen an inbepawp reng a, a trainig-na tur hmun pawh hi a thlang thei a, TTFI lamin national camp a zawm loh chungchangah sawi theih vak an neih loh thu India TT hotupa chuan a tarlang tel a, tunlai hripui avang hian women’s team player pariat zinga pathum chauhin camp zawm an duh tih a sawilang tel bawk.

Kumin kumtir lam khan Manika Batra hi India rama infiammite chawimawina sang Rajiv Gandhi Khel Ratna award hlan a lo ni tawh a ni.

TTFI Secretary-General MP Singh chuan men’s team lama player-te pawhin an zavai chuan camp zawm an duh vek bik chuang lo tih sawiin, “Anthony Amalraj leh Sharath Kamal Achanta bakah player dang pahnih chuan camp zawm an hreh loh thu an sawichhuak tawh a, player panga vel chu national camp zawm thei turin kan beisei.

“Camp zawm tur player leh support staff-te chu camp zawm tura an lo chhuah-khawm hunah ni sarih chhung khung hran an ni dawn a, practice an tan hm^ ngeiin Covid-19 test neihpui vek an ni bawk ang,” a ti.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy