Daily Newspaper

Tualchhuak “hmuikawr” ni lo lei tur tam

12

Covid-19 hrileng laka inven nan “hmuikawr” (mask)
hman a ngai a, a ngai mai a ni lo, vantlang hmunah chuan hman ngei ngei tur. Hman ngei ngei tur tia dan siam a nih hma pawhin a lar tawh a, March thla vel atang khan tualchhungah an thui sup sup tawh. Tualchhuak a tam a, mahse hmun dang atanga lakluh pawh a la tam.

Mizoram sorkar chuan hmuikawr hi Mizoram pawn atanga lakluh a khap a, mahse hei hian zawm a hlawh lem lo niin a lang.

May ni 28-ah khan Mizoram sorkar chuan ‘face mask’ chungchangah hian order a chhuah a, Mizoram pawn atanga lakluh a khap. Mahse he order hian zawm a hlawh lem lo tih a lang a, vawiin thlengin Mizoram pawn atanga lakluh hi miin an la hmang sup sup.

Thlir dan pakhatah chuan hmuikawr ngaihnat zawng a inang lo a, hei vang hian hmun dang atangin a lakluh loh theih loh ve bawk tih a ni a, damdawi dawr hemi chungchanga biakte chuan surgical mask an hralh that thu leh a man a tlawm bakah hman a nawm avangin miin an duh nia an hriat thu te an sawi a, chuvangin an zuar lo thei lo tih an sawi.

Damdawi zuarte chuan hmun dang atanga lakluh an zuar fur a, tualchhunga siam nena zuar kawp an awm laiin, tualchhuak zuar miah lo pawh an tam nia hriat a ni.

Tualchhuak hi lei tur a tam a, a lan danah chuan tualchhuak hi damdawi zawrhna ni lo dawr dangin an zuar fur; nepnawi zuarte pawhin an zuar thin.

Commerce and Industries department chuan tualchhuak hmuikawr hi chawisan an tum a, a siamtute hnen atanga lachhawngin, a zuar duhte hnenah an pe leh thin. Sorkar department hnenah an pe thin bawk; June ni 3 khan sorkarin order a chhuah a, sorkar department-te chu tualchhuak hmuikawr hmang vek tur a ti.

Commerce and Industries department lam chuan Aizawlah a thui thei tur mi 4000 vel an awm tih an sawi a, an hnen atanga lain hloh lo hlep lovin an pechhuak leh thin tih an sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy