Daily Newspaper

Tualchhung atanga kai 298

8

September 13 zing thleng khan Mizoramah tualchhunga midang hnen atanga kaichhawng nia ngaih Covid-19 hri kai mi 298 an awm tawh.

Pathianni chawhma lam thlenga Mizoram Health department chhinchhiah danin, Mizoramah Covid-19 kai 1414 an awm tawh a, heng zinga 1116 hi state dang atanga Mizorama rawn lut, Mizoram mi leh Mizorama hna thawk/ hna thawk turte an ni. A bak 298 hi state pawn lama zin veivahna nei lo, tualchhunga hri rawn luh hnua tu emaw ber hnen atanga kai nia ngaih an ni.

Hri kai 1414 awm tawh atangin mi 755 (62.26%) chu Mizoram tualchhung mi, state pawn atanga haw leh Mizorama awm sa an ni. A dang 480 (21.66%) hi para military force leh Indian Army Mizorama post mek vanga rawn lut an ni a; an zingah hian Mizorama mi leh sa ngah ber BSF (298) leh Assam Rifles (108) chu an sang fal a ni.

A bak 179 (16.07%) hi Mizorama mamawh phurluttu truck driver leh an handyman-te an ni hlawm a ni.

September 13 chhun thlenga chhinchhiah danin, civil mi hri kai tawh 755 atangin mi 387 (51.26%) chuan damin enkawlna hmun – CCC/DCHC an chhuahsan tawh a, enkawl mek 368 (48.74%) enkawl mek an ni.

Force mi hri kai 480 atangin mi 352 (73.33%) chuan damin enkawlna hmun an chhuahsan tawh a, enkawl mek 128 (26.67%) an awm.

Trucker zingah hri kai 179 hmuhchhuah tawh atangin 84 (46.93%) chuan enkawlna hmun an chhuahsan tawh a, mi 95 (53.07%) la enkawl mek an awm a ni.

Mizorama hri kai hmuh tawh 1414 atangin dama enkawlna hmun chhuahsan tawh chu 823 (58.20%) an ni a, enkawl mek 591 (41.80%) an awm a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy