|antu ngah Madison Keys chuan Nilaini quar-ter-final match pakhatah 6-1, 6-4-a Wimbledon champion lai Marketa Vondrousova hnehin U.S. Open semi-final a lut a, Arthur Ashe Sta-dium-ah home suppor-ter a tiphur kal zel.
Kum 2017 runner-up Keys hian tunhnai kum engemawti chhung khan a home Grand Slam-ah hma tak taka tlak a ching a, kumin zet erawh a tlo kum herchhuak lehin, Flushing Mea-dows-a American mipui hlimna leh beiseina siamsaktu a la ni tluang zel rih a nih hi.
Final luh inchuh match lama a tum leh tur second seed Aryna Sa-balenka chuan inkhel dangah Chinese 23rd seed Zheng Qinwen chu 6-1, 6-4 bawkin a sawp ve leh a, a zawna a vawingana atan Grand Slam semi-final a lut.
Belarus nula Saba-lenka hian karleha WTA ranking thar tar-chhuah turah number one dinhmun a luah chho dawn a, 17th seed Madison Keys hi hneh loin New York tournament kal laiah final lut zo lo pawh ni se Pole Iga Swiatek hmakhalhin ranking ler a luah hrim hrim tawh dawn a ni.
Last four match pakhat zawka intum tur Belarusian Sabalenka leh American Keys hi tunhma lama vawithum intawng tawhin, head-to-head record-ah Sa-balenka hian 2-1-in hma a hruai a, an intum hnuhnunber chu kumin Wimbledon last 8 kha niin, Belarusian a chak.
Tualchhung nula Keys la fei
