Daily Newspaper

Tualchhunga hri kai pung, hri kai 31% chu force mi

18

Mizoramah Covid-19 hri kai hriatchhuah an pung a, tun hnaiah tualchhunga hri kai an pung. Tun karah pawh ni tin an awm a, 500 an tling tawh.

September ni 25 thleng khan tualchhunga hri kai hi mi 512 an awm tawh a, September ni 23 khan mi 473 niin, a tuk tuk lehah chuan 500 an pel ta a ni.

Integrated Disease Surveillance Programme (IDSP) te’n an chhinchhiah danin, Mizorama hri kai hriatchhuah tawh zinga mi 1274 chu Mizoram pawna kai, Mizorama rawn lut an ni a, mi dang 512 chu Mizoram chhunga kai, tun hnaia Mizoram pawna kal lo an ni.

Mizorama Covid-19 hri kai hriatchhuah tawh zinga 31.28% chu force mi an ni a, mi dang 1.17% chu lirthei khalhtu (trucker) an ni.

Force mi-ah hian a tam ber chu BSF an ni a, mi 343 an tling tawh. An zinga mi 234 chu an dam tawh a, enkawl lai mi 109 an awm. Assam Rifles-in an dawt a, dam tawh mi 96 leh enkawl lai 57, an vaiin mi 153 an ni. CRPF-ah dam tawh mi pathum leh enkawl lai mi pakhat an awm a, NDRF-ah mi 32 hriatchhuah tawh niin, enkawl lai an awm tawh lo. Army 21-in hri an kai tawh a, mi paruk chu dam tawh niin, mi 15 chu enkawl lai an ni. BRO/BRTF hi mi 33 hriatchhuah an ni tawh a, dam tawh mi pahnih niin, enkawl lai mi 31 an ni.

Lirthei khalhtu (trucker) hi hri kai hriatchhuah tawh mi 185 an awm a, an zinga mi 177 chu dam tawh niin, enkawl lai mi pariat an awm.

Covid-19 hri kai hriatchhuah tawh zawng zawng zinga 67.55% chu tualchhung mi (civilian) an ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy