Daily Newspaper

Tualchhunga hri kai pung zel


Mizoramah Covid-19 natna vei an pung zel a, damdawi in chhuahsan pawh an pung. Tualchhunga hri kai pawh an pung a, 500 dawn an ni tawh.

September ni 23 thleng khan tualchhunga hri kai hi mi 473 an ni tawh a, an zinga engemaw zat chuan damdawi in an chhuahsan tawh.

Mizorama hri kai hriatchhuah tawh mi 1713 zingah Mizoram pawn atanga rawn haw mi 962 an awm a, mi dang 473 chu state chhunga mi an ni.

Mizorama Covid-19 natna vei hriatchhuah hmasakte kha ram pawna kai an ni a, June ni 13 khan MST bus enkawltu pakhat chu he natna a vei tih hriatchhuah niin, ani hi tualchhunga kai hriatchhuah hmasak ber a ni.

MST bus enkawltu hi tangkhang rawn hawte phurhna bus enkawltu a ni a, a dawta mite pawh he natna veite buaipuitu frontline worker niin, a hnu lamah chuan mipui zingah hri kai hi an awm ta a ni.

Covid-19 natna vei hriatchhuahah force mi pawh an pung a, hri kai hriatchhuah tawhte zingah hian force mi hi 566 an awm.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy