Tualthite chuanna lirthei lalet
Tunhnaia Myanmar ram chhunga hruai luh, an ruang chhar mi pathumte chuanna lirthei, TATA ACE chu an namlumna atanga lachhuakin Mizoram luhpui a ni tawh.
Tarlan tawh angin, kumin March 22-a Myanmar ram chhunga an ruang chhar, Siaha mi pahnih leh an chuanna lirthei, South Lungpher (Lawngtlai district) mi B Lalthafamkima ta MZ 03-9720 chu April 1 khan Central Young Lai Association hruaitu mi 12-te Myanmar ramah hian lutin lirthei awmna hi an han chian a, Nghalang khaw thlenhma km.7 vel, kawngthlang feet 130 velah hmuh a ni. Sub Hqrs YLA Bualpui NG kaihhruaina in YLA Member thahnem tak leh Mara Thalai Pawl te Myanmar-ah hian lutin lirthei hi an hnukchhuak a, April 3 zan khan B Lalthafamkima te in thlenpui a ni.
Tualthite chuanna lirthei lalet
