Former Legislators Association of Mizoram (FLAM) chuan tuihna kam zel tur ven theih nana dan siamthar chu a nihna ang taka hman a nih theih nan Mizoram mipui leh thuneitute theihtawp chhuah turin a ngen tih a sawi.
Nilainia FLAM general body meeting-ah resoultion siamin, ramngaw, nungcha leh tui hna humhalh kawnga Mizoram hmalakna chu chhunzawm zel nise, an ti a; State Assembly-in tuihna humhalhna tur – The Mizoram (Protection of Rivers) Act 2023 a pass chu lawmawm a tiin, a hlawhtlin theih nan mipuiin sawrkar thlawp turin an ngen tih a sawi.
‘Mizoramah inthlan fel leh thianghlim a awm theih nana hma la thintu Mizoram People Forum a lo chak chhoh zel theih nan kohhran lian deuh la tel ve lo te an tel theih nan hma lak chhunzawm zel nise, Mizoram sawrkar thar piang hi a lawmawm a; ram leh hnam tana tha turah chuan theihtawpa tawiawm tlat kan tum,’ a ti.
Tui hna humhalhna dan siamthar thlawp turin ngen
