Aizawl khawpui chhung hmun thum, Assam Rifles tuichhe paih fimkhur loh; BSF Durtlang ek in put (leak) kawngsira tling luau baka vantlang lamliana luang; Tuikual luia ek in pipe, direct-a luia khawhluh tira ek lang hung, luikam seta vawkvulhte tihreh a nih theih nan social activist Vanramchhuangi @ Ruatfela Nu chuan Aizawl Municipal commissioner hnenah complaint a thehlut.
‘Mihring chenna leh kan tuitlan nena inchiahpiah lutuka thil bawlhhlawh leh tenawm lutuk lang reng hunrei tak ngaihthah a ni hi, AMC hian chhiah petu khua leh tui min ngaihpawihmawh loh vangah ka ngai a. Khawpui faina leh thianghlimna kawnga mawhphurtu AMC hian heng thil dik lo lian lutuk, hun rei taka ata tawh dan bawhchhiatna hi karhnih chhunga an chinfel loh chuan Municipal commissioner lehkhaa ka ziak ang khian, Natiobal Green Tribunal leh National Pollution Control Board thlengin ka kal ang,’ tiin a thlen.
Tui leh ek paihnaa fimkhur lohnaah hma la turin ngen
