Aizawl District Water & Sanitation Mission (DSWM) chu Nilaini khan an chairman, bawrhsap Nazuk Kumar hoin an thukhawm a. Aizawl district-a Jal Jeevan Mission hnuaia Functional Household Tap Connection (FHTC) hmalakna leh Swachh Bharat Mission (Gramin) hnuaia ODF Plus model puitlin tura hmalakna an sawiho.
FHTC kaltlang hian kum 2024-ah chuan thingtlang in tinah tui connection siam tura hma lak a ni a. Tun tum thutkhawmah hian Darlawn WATSAN Sub-Divion leh RWSD a tui connection pek tawh dan thlirho a ni. RWSD hnuaiah hian khua 33 ah hma lak niin, 19 ah hna zawh tawh a ni a. Darlawn Watsan Sub Division-ah hian town pakhat leh thingtlang 31 awmin, JJM hnuaiah scheme 23 kalpui a ni.
SMD(G) hnuaia Open Defecation Free Plus hnathawh kal mek chuan block pali – Aibawk, Tlangnuam, Thingsulthliah leh Darlawn a huam a. Heng hmalakna hnuaiah hian Community Compost Pit, Community Sanitary Complex siam te, in tina latrine siam leh plastic thliarhranna (Plastic Segregation Shed) siam a tel a ni. Aibawk leh Tlangnuam Block ah chuan SBM hmalakna hi zawh tawh a ni. Kumin chhunga zawh tum beisei a nih thu report a ni.
Tui leh thianghlimna lam sawi
