Daily Newspaper

Tui pump khawl thar bun

8

Lunglei khawpui tuia chawmtu Pialthlengah tui pump-na khawl, diesel engine leh pump thar cheng nuai 217.54 man chu Ningani khan bun tan a ni.

PHE department hotute sawi danin, tui pump-na diesel generator khawl bun hi power supply awm loh avanga tui pump khaihlak thin sutkian nana tih niin, sum awmsa awm lo a nih laiin Lunglei mipui mamawhna a san avangin department lam chuan a ba in an la mai niin an sawi a. He khawl bun mek hi chawlhkar thum hnu velah chuan bun zawh theih tura beisei niin, hman theih a nih hun chuan darkar khatah tui litres 2,23,000 a pump thei dawn tih an sawi.

PHED hotute sawi danin, tun dinhmunah Lunglei khawpuiin nitin tui litres nuai 50 a mamawh laiin nikhatah litre nuai 30 vel bak a pe chhuak theilo a. Greater Lunglei WSS hi mihring 66000 chawm thei tura buatsaih a nih laiin, mihring 130000 vel a chawm mek. Mipui hnena tui an pekna atang hian thla tin sawrkarah nuai 35 chuang an chhunglut a ni.

Hetihlai hian chhiatni thatnia mimal hnena tuia special a pek thin ang kha a pek theih tawh dawn loh tih Lunglei PHED hotute hian an sawi a. A chhan ber chu mipui a pun zel vang a ni ber tih sawiin, tunlaia chawlhkar tin tui an sem theihloh chhan chu power supply an mamawh ang P&E department lamin an pek theih loh vang niin an sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy