Tui verh tawh khuh turin hriattir
Champhai district bawrhsap chuan an huamchhunga tui berh leh tuichhunchhuah siam chu a khuhna tha tak nei turin a ti a. He thu zawm loa heng hmuna chetsualna a thleng a nih chuan mawh an phur dawn tih a hriattir.
National Disaster Management Authority leh Supreme Court thuchhuak bawhzuiin, tuiverh (borewell) leh tuichhunchhuah laka naupangte himna atan, tuiverh hluihlawn tawh chu khuh/ chhin a, a chhehvelah fimkhur tura chhinchhiahna (warning sign) siam a, mipui zirtirna kalpui tur leh hunbi neia enfiah thin turin he mi kaihhnawiha inhnamhnawih zawng zawng hriattir an ni tih Champhai bawrhsap thuchhuah hian a tarlang.
‘Borewell (tuiverh) hluihlawn tawh chu khuh/chhin ngei ngei tur a ni a. Tuiverh leh tubewell (Tuichhunchhuah) hluihhlawn zawng zawng chu tlak theih loh turin uluk taka khuh leh chhin vek tur a ni. Ram neitute leh khawl neitute chuan hei hi an zawm ngei ngei tur a ni a. He thupek an zawm loh avanga chetsualna thlen palh chuan mawh an phur ang, tiin hemi chungchanga thupek awmsa chu a tichhuak nawn a. Mipui hnenah tuiverh/ tuichhunchhuah chhin nei lo hlauhawmna leh anmahni invenhimna tura an mawhphurhna chungchang a tam thei ang bera zirtir tura tiin, hemi kawngah hian head of offices leh village level-a mawhphurtu Committee chu hma la tura ngen an ni tih a sawi.
Tui verh tawh khuh turin hriattir
