Tuia chetsualnaah pathum thi

Tun ni thum chhungin tuia chetsualnaah mi pathum an thi.
May 24 chawhnu dar 3.00 vel khan Lalvenhima (7) s/o Vanlalvula, Zotlang Champhai chu tuikhuahah a tlahlum. Thudawn danin, Lalvenhima hi a thiante nen sikul banah hume pipe siamsa chiah daihna atana siam tui khuahah an cheng a, a chesual ta nia sawi a ni. Tuiah hian a thian dang mi engemawzat an luh ve avangin an thianpa tlak hi an hre mai loa, rap fuh an awm hnu ah a chesual tih an hre chauh a, damdawi in panpui nghal ni mah se, a nunna chhan hman a ni lo a ni.
May 23 chawhnu dar 3.00 vel khan Robert Lalrawngbawla (23) s/o Lilypari, Phunchawng chu Nghaper Li, Tanhril ram chhungah a tlahlum. Thudawn danin a thiante nen Nghaper Li ah hian an kal a, a ban pul tuia a cheng chu lungah a ke tangin a chesual ta nia hriat a ni. Phunchawng khawtlang hruaitute pawh chetsualna hmunah hian kalin, zan dar 7.00 velah a ruang hi lakchhuah a ni.
May 22-a Tuivai Thelret Suara chengkawl khawrha thianhoa kal zinga pakhat Thuamkhanmanga (47), Khankawn Saitual district chu a thiante nen hian an inthendarh a, tlaia inhmuhkhawmna tur an siamah a lan ve tak loh avang an hmuh zawh mai loh avangin an hawsan a, khawtlang an pun hnu ah zawng zuiin, May 23 chawhnu dar 12.30 vel khan an chengkawl khawrh tanna atanga hla lo te ah a ruang hmuh a ni a. Luiah hian a chesual nia ngaih a ni.