PWD National Highway Division-I chuan NH 108 atanga Tuidam inkar kawng (kawng hlui) chu tunkar chhung hian a siamtha dawn a. SP Mamit District chuan danin thuneihna a pek hmangin he kawnga lirthei tlan dan tur ruahman a ni tih mipui a hriattir.
LMV chin chunglam tan Thawhtanni atanga Inrinni thlengin, zing dar 9.00 atanga chawhnu dar 1.00 chhung khar a ni anga, chawhnu dar 1.00- 2.00 inkar hawngin, chawhnu dar 2.00 atanga tlai dar 5.00 thleng khar leh a ni anga, tlai dar 5.00 atanga a tuk zing dar 9.00 thleng hawn a ni ang.
Pathianni ah zing dar 8.00 atanga chawhnu dar 1.00 thleng khar a ni anga, chawhnu dar 1.00- 2.00 inkar hawngin, chawhnu dar 2.00 atanga tlai dar 5.00 thleng khar leh a ni anga, tlai dar 5.00 atanga a tuk zing dar 8.00 thleng hawn a ni ang.
HMV chin leh a chunglam tan Thawhtanni ah load la tur Tuidam lam pan, Thawhlehni ah balu/ load phur Mamit lam pan, Nilaini ah load la tur Tuidam lam pan, Ningani balu/ load phur, Zirtawpni load la tur Tuidam lam pan, Inrinni balu/ load phur, Pathianni load la tur Tuidam lam pan tan hawn a ni ang
Kawng tha zawk neihna tur a nih avangin thupek ngaipawimawha zawm theuh turin mipui a ngen tih a sawi a. Thupek zawm lo chu 179 MV Act hmanga hrem an ni dawn tih a sawi a ni.
Tuidam kawng khar leh hawn
