Daily Newspaper

Tuikuk awmtir tumna chungchangah bandh

33

Tripura Jampui tlang dunga Zofate chuan an bul hnaiah Tuikuk awmtir tum a nih avanga lungawi lovin, Thawhlehni hian bandh huaihawt an tum.

Kanchanpur Sub Division hmun danga mite pawhin bandh hi huaihawt an tum. Jampui tlang dung hi Kanchanpur Sub Division huam chhung a ni.

Mizoram chhuahsana Tripura hmar lam relief camp-a mite chu Tripura-a awm zui mai tura tih an ni a, chutiang tur chuan sorkar laipui, Mizoram leh Tripura sorkar ve ve leh camp-a an hruaitute’n nikum khan thu an lo dah tawh. Tripura sorkarin camp-a Tuikuk-te awmna tur a ngaihtuah ta a, a tam ber chu Kanchanpur Sub Division-ah hian dah tum an ni.

Tripura sorkar tum dan chuan, Kanchanpur Sub Division huam chhungah chhungkaw 4600 an awm ang a, Panisagar Sub Division-ah chhungkaw 500, Dharmanagar Sub Division-ah chhungkaw 100 an awm ang.

Jampui tlang dunga Zofate’n an bul hnaiah Tuikuk dah tum an ni hi an duh lo a, Kanchanpur Sub Division-a hnam dang pawhin an duh lo. Joint Movement Committee an din a, hetah hian Jampui tlang dunga Zofate inhlawmkhawmna Mizo Convention pawh an tel.

Mizo Convention secretary Dr Zairemthiama chuan Jampui tlang dunga Zofate bul hnaiah Tuikuk dah tum a nih thu leh hei hi Zofate tan a \hat loh thu The Aizawl Post a hrilh a, an awmna Sub Division-a hnam dang pawhin an duh loh thu sawiin, sorkar ruahmanna dodala \anrual an tum tih te a sawi.

Thawhlehni zing dar 6 a\anga Nilaini zing dar 6 thlengin Kanchanpur Sub Division pumah bandh hi huaihawt an tum a, sorkar thuneitute’n Tuikuk dah tumna hmun an en \umin, May thlaah khan Jampui Mizote hian lungawi lohna an lo lantir tawh bawk.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy