Daily Newspaper

Tuikuk hruaikirnaa sum bangte hmang dawn

15

Tripura atanga Tuikuk hruaikirna tura sawrkar laipui atanga sum hmuh, Kolasib district bikin a dawn atanga a la bangte hman tangkai dan tur ngaihtuah a ni a, hruaikirte awmna khua tihhmasawnna atan hman tum a ni.
Ningani khan Kolasib district bawrhsap Dr H Lalthlangliana kaihhruaiin sawrkar aiawhte chu hemi chungchang ngaihtuah hian an thukhawm a. Tripura atanga Tuikuk hruaikirna tura sum dah, hman bang la awm hmanga heng Tuikuk awmna khaw hrang hranga hmasawnna hna thawh dan tur sawi a ni. Electric eng luhlohna hmuna eng luh tirte, kawng awm thatlohna hmuna kawng siamte, tui lak tur awmlohna hmuna tui lak dan turte ngaihtuah a ni.
Report-a tarlan danin kum 2018 khan helai huamchhung development khawihna tur hian ruahmanna siam a ni tawh a, mahse sum ruahman hi a thlen theih loh avangin a lapse tawh a ni. Tun tumah hian sawrkar laipui atangin Tuikuk hruaikirna tur sum hman bangte hi pekir turin central-in state home department a rawn dil a, sum kir tawp aiah tangkai zawka hman dan tur hi zawn a ni.
Meeting chuan heng khaw hrang hrangah hian hmasawnna hna thawk turin enfiah phawt nise an ti a. Addl DC Lallawmawma kaihhruaina hnuaiah department kaihhnawih atangin aiawh an ruat a, karleh lamah heng khuate hi tlawhin an dinhmun an enfiah dawn a ni.
Hmasawnna hnathawhna tura khaw thlan chu – N Thinglian, Bukvan-nei, Zodin, S Chhimluang, Dilzau, Meidum, Hortoki, Pangbalkawn, Saihapui ‘K’, Awrpuara Veng (Bairabi), Buhchangphai te a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy