September 12 zana ruah bawhawk sura Tuikual lui lianin a lak Lalhmingmawia (56) h/o H Lalremveli, Dinthar Veng Aizawl chu he chanchin buatsaih lai, September 14 tlai dar 6.30 thleng khan hmuh a la ni lo.
Dinthar Veng leh an veng thenawm bakah Sairang lama veng pathumin an zawng a, Central YMA hnuaia Quick Response Team-in an tel bawk.
Ningani chawhma lam khan Lalhmingmawia’n tuia a chetsual laia a buaipui, a vawk ni ngeia a hriat chu Tlawng lui thlen hma, Tuithum chhuah atanga metre 300 vel lui kamah hmuh a ni a, a taksa hi a bung a ni. Lalhmingmawia ruang zawng hian luikamah riahbuk sual a ni.
Tuilian lak zawng zel
