Daily Newspaper

Tuilianin Phillippines capital chhehvel tibuai

20

Philippines capital leh a chhehvel chu ruahsur nasa avanga tuipui tui lian avangin mi tam takin an chenna In chuahsanin hmun him lam an pan.

Official-te chuan tuilian in a tihbuai an tam em avangin hripui leng karah emergency a inbenbelna tur mamawh tawk pawh an hawnbelh thei tawh lo tiin an sawi.

Capital region-a Marikina khawpuiah chuan luipui lian zual zel avangin mi 15,000 vel hmun himah thiar an ni a.

“Tuilian hian zual lam a pan zel a nih chuan harsatna nasa tak kan tawk dawn a, delta variant avangin hripui inkaichhawn nasat a awm zel bawk si” tiin Marikina Mayor Marcelino Teodoro chuan a sawi.

Marikina chhehvela tuilen vak chhanah Teodoro chuan dan kalha a chhehvel ram ngaw a thingkih nasat vang tiin a sawi bawk.

Philippines hmar lam chu furpui ruahsur nasain a tibuai hle a, luipui tinte chuan an kuang an luangliam a, hei bakah hian leimin a tam hle bawk.

Philippines khawchhak lamah Typhoon In-fa tleh bawkin Taiwan-ah ruahsur nasa tak a siam a, Typhoon In-fa hian China lam a pan mek a, ruahsur nasa tawh sa a belh nasa zual hle dawna ngaih a ni.

Albay province, Manila chhim chhak lama Pio Duran lawngchawlhnaah pawh tuilian nasa takin cargo lawng nuaiin mahse police-te chuan a chhunga chuang mi 10-te an chhanchhuak thei hlauh thung.

Mindoro Oriental province, south Manila ah pawh tuilian nasa avanga chenna In pawh chhuahsan thei lote chu Coast guard ten an chhanchhuak bawk a. Khawchhungah kawng chin china tui dai ngaite ni hlawmin hrui thlung leh vuan chungin hmun him lama inthiarchhuah a ni.

Furpui ruah bakah Philippines hi kum tinin typhoon leh thlipui na tak 20 velin nuai ziah anga chhut a ni a. Pacific ‘Ring of Fire’ tih mai lirnghing nasa tak leh tlangkang turu tak chhuah theihna huam chhunga awm a ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy