Tuilianin Zawlpui Zau tichhia
NHIDLC fimkhur loh nghawng
– Agriculture minister
Tunhnai ruahsur nasaa tuilianin Serchhip Zawlpui Zau a tihchhiat dan enfiahin Nilaini khan Agriculture & Farmer’s Welfare minister PC Vanlalruata chuan a tlawh a. Loneituten harsatna an tawh dan leh an mamawh an lo thlen.
Zawlpui zauah hian tun tum ruahsur nasa khan leilet tam tak tichhiain tui lakna a tichhe hneh hle a. Zawlpui panna kawng pawimawh Tuichar lei a bung a, Tuichar lui luanna a insawn. Leilet neituten tui an lakna luite luanna hmun insawn leh lei dang chhia a awm bawk.
Zawlpui leilet neitute chuan Tuichar lei siamthat thuai an mamawh thu leh an tui lakna siamthat an mamawh zia minister hnenah hian an thlen a ni.
Agriculture minister chuan ruahsur nasa avanga loneitute tawrhna a tawrhpui thu leh theihtawp chhuaha sawrkarin an tana hma a lak tur thu a sawi a. NHIDCL kawng siamin a nghawng, Serchhipa tunhmaa la thleng ngai lo, Zawlpui leilet hmunhma heti taka tuilianin a tichhe ta mai chu pawi a tih zia sawiin, “Hmasawnna ruhrel din a nih rual hian, environment ngaihpawimawh tel a tul zia leh fimkhur a tul zia a langchiang hle,” a ti.
Tuilianin Zawlpui Zau tichhia NHIDLC fimkhur loh nghawng – Agriculture minister
