Knoxville-a nurse hnathawk Tami Manis chuan hmeichhe zinga mullet sei ber record a siam a, a mullet hi feet 5 leh inches 8 a sei a ni. Mullet chu hairstyle chi khat a ni a, tukhum sam chiah an zuah sei thin a ni. Manis chuan, “Malsawmna ka dawng a, ka sam a thang duh a, tunah chuan khawvela mullet sei ber a ni ta hial hi ka lawm hle a ni,” a ti.
Manis hian a sam hi 1980s atang khan a zuah tan tawh a, hetianga tukhum sam zuah lama a tui tanna chu ‘Til Tuesday music video ‘Voices Carry’ a en atanga a neih tan a ni a, he music video-ah hian an singer chu a bialpain a sam a sawisel sak chiam chiam chung pawha a duh dana a ti tlat chu a entawn a ni ber a, “Rattail a nei a, khatiang kha ka awt ve a ni,” a ti (Rattail hairstyle chu tukkhumah sazu mei ang deuhin sam an zuah ngeuh thin a ni).
Tichuan Manis chuan November 1989-ah rattail chu siamtir ve a tum a, mahse, lumettuin chutiang style chu a inhmeh ve dawn lo tih a lo hrilh a, tichuan February ni 9, 1990 atang khan mullet stylein a zuah tan ta a ni.
Tukhum sam sei record siam
