Thawhtanni khan Senior Samajwadi Party leader Ravi Prakash Verma leh a fanu Purvi Verma te chuan anmahni zuitu tamtak te nen party headquarters ah Congress zawmin lawm luh an ni. Uttar Pradesh Congress Committee President Ajay Rai chuan lo lawmin Congress-in a lo kuangkuah thu a sawi a, vawi thum Lok Sabha MP lo ni tawh leh Rajya Sabha MP lo ni tawh Verma hian thutlukna dik siamin Congress a tichak dawn a ni, tiin Rai chuan a sawi a ni. “Hei hi Ravi Verma ama ina a lo haw lehna a ni. A pa chu Congress hruaitu hlun a ni a, Kheri Lok Sabha seats chu term 10 chhung atan Verma chhungkaw tan a ni ngar ngar a ni,” tiin Rai chuan a sawi.
“Party hrang hrang hruaitu challang tak tak ten Congress Party an rawn zawm reng a, chakna thar kan hmuh belh zel avangin kan party hian nakum-2024 Lok Sabha inthlana chakna chang ngei turin kan inpeih reng a ni,” tiin Rai chuan a sawi. He lawmluh pual inkhawmnaah hian Verma chuan BJP rorel chhunga India-in chona tam tak a hmachhawn mek thu sawiin mipuite chuan kum-2024 inthlan puiah BJP paih thla turin an rilru an siam tawh a ni, a ti. Thawhtanni-a Congress zawm thartu te zingah hian BSP atangin Nawab Faizan Ali Khan leh Nav Bharat Party President Raj Bahadur te an tel a ni.
Tum 3 MP lo ni tawh RP Verma-i’n Congress zawm
