Champhai Police-ten tum khata heroin an man tam ber pawl ni turin March 6 zan khan kg.2 chuang an man.
Thudawn danin, Chalbawiha Junction Khankawn Police Check gate Champhaia duty-te hian Thawhtanni zan khan lirthei pakhat atangin heroin kg. 2.853 (hawng 249) an man a, an manna lirthei hi registration pawh la nei lo niin, lirthei an dap lai hian a khalhtu leh a mi phurh pakhat hi an tlanbo a, ngawrh taka an zawn hnu ah hian police-te hian Thawhtanni zan la la khan, pakhat zawk Farooq Hussein (37) Sepahijala district Tripura chu an man leh nghal a ni. A dang pakhat hi la zawn mek a ni.
Special Narcotics Police Station chuan March 6 vek khan Lalnghakliana Filling Station Kulikawnah heroin gram 18.08 an man a, a neitu nia sawi Lalchhanchhuaha (23) Champhai Bethel Veng inti pawh an man a ni.
Tum khatah heroin man hnem
