Tun hnaiah Mizoramah Right to Information (RTI) hmanga sorkara thil zawt an pung hluai a, a punna pawh a sang.
February ni 27 khn Assembly Secretariat-in orMizoram Information Commission-in an chhinchiah danin, sorkar kum liam ta 2022-23 chhung khan RTI hmanga zawhna hi Mizoramah 6733 a awm a, fal takin zawhna tam ber kum a ni.
Mizoram Information Commission hian 17th Annual Report an buatsaih a, Ningani khan House-ah thehluh a ni.
He report bua a lan danin, RTI hman tan kum 2006-07 khan RTI hmanga zawhna hi 476 a awm a, a kum leh 2007-08 khan 371-ah a tlahniam. 2008-09-ah pawh 177-ah a tlahniam a, 2010-11 atanga 2013-14 thleng khan kum tin a pung ta.
2014-15-ah a hma kum aiin a tlem leh a, mahse 2015-16-ah a vawi khat nan sang hnih a tling (2136). Mahse 2016-17-ah 1642-ah a tla nghal a, 2017-18-ah 2237 a tling leh thung.
Inthlan kum 2018-19 khan a tlahniam a, zawhna 1936 a awm. 2020-21-ah phei chuan zawhna 779 chauh a awm a, 2011-12 hnua a tlem ber kum a ni. 2022-23-ah zawhna hi 1327 a awm a, a kum leh 2022-23-ah a pung ta hluai a ni.
Zawhna tam ber kum 2022-23-ah hian online hmanga zawhna lut pawh a tam a, 2526 a tling. Mizoram pawn atang pawhin online hmang hian zawhna 185 a lut.
Tun hnaiah RTI hmangtu pung hluai
