Zu a pung nge, a hma aiin an man tam ve hrim hrim nge ni dawn, nikum lam atangin Mizoramah Mizoram Excise & Narcotics (MEN) department-in an man hnem a, kuminah pawh an man leh nual tawh.
Mizoram Excise & Narcotics (MEN) department chhinchhiah danin, kuminah February ni 9 thleng khan Mizoramah mi pangain ruihhlo vangin nunna an chan tawh a, mipa pali leh hmeichhia pakhat an ni.
Mi pangate hi heroin leh alprazolam vanga nunna chan an ni a; heroin hi ruihhlo hlauhawm, Mizorama hluar a ni a, alprazolam hi damdawi, thalai thenkhatin ruih nana an hman a ni.
Heroin leh alprazolam hi Mizorama ruihhlo hluar ber ber tiin a sawi theih ang; nikum chhung khan MEN department han heroin hi kg 76.058 an man a, 2023 kha heroin an man tam ber kum a ni. Alprazolam pawh kg 0.885 an man. Kuminah January thla chhung khan heroin hi kg 7.350 an man leh tawh a, alprazolam hi mum (tablet) 251 an man tawh.
MEN department hian 1984 atangin ruihhlo vanga nunna chan zat hi an chhinchhiah a, 2024 February ni 9 thleng khan Mizoramah mi 1817-in ruihhlo vangin nunna an chan tawh tiin an chhinchhiah; mipa 1599 leh hmeichhia 218 an ni.
An chhinchhiahnaa a lan danin, spasmo proxyvon vangin mi 1161-in nunna an chan tawh a, heroin vangin mi 233-in nunna an chan tawh. Mi dang 423-te chu ruihhlo chi hrang hrang khawih pawlh an ni a, heroin leh spasmo proxyvon/parvon spas a tel nual.
Kum liam ta 2023-ah khan ruihhlo vangin mi 76-in nunna an chan a, nikum kha 2005 hnua ruihhlo vanga nunna chan tam ber kum a ni.
Tun hnaiah zu man hnem
