Daily Newspaper

Tunge Zaii Hauchhum

31

Thazual Award semna Vanapa Hall stage-ah a rawn ding chhuak a, mi tam tak chuan tunge Zaii Hauchhum an ti mai thei. Mizo rimawi khawvelah a hming kan hre lar tlat lo, mahse, Zirtawpni zana a performance en tawh tan chuan Zaii Hauchhum hi theihnghilh leh mai theih a ni tawh lo ang a, Mizo rimawi khawvelah a hming a la thang ngei ang.

A aw a danglam a, a stage performance a hmuhnawmin, a chevelin huhang a nei tlat. A zaithiam a ni satliah mai lo va, ama hla sak tur a phuah thei. |hazual Award stage-ah ama hlaphuah ngei ‘Nghilh har di hmasa’ a perform a, entertainer dik tak a ni a, mit leh beng a titlai.
Zaii hi Khawbung ‘S’ khawchhuak niin, kum 8 vel chu Mizoram pawn lamah zaia ei zawngin a awm tawh. Mizoramah a zai kan hre ngai lo, mahse, Guwahati-ah RP-a Ralte kaltlangin zaia eizawng turin bul a tan a, kum hnih vel Guwahati-a a awm hnuah Chennai-ah a insawn leh ta a ni. Chennai-ah hian huang zauh tumin nikum khan 7 Sisters Entertainement agency a din a, mahse, COVID-19 boruakin a nang zui a, hma a la zui hleithei ta lo a, ani pawh Mizoram-ah a rawn chuang chhuak ve leh ta a ni.

Zaii hian Mizoram a rawn haw leh hnuah Lalruatpuii hla ‘Zoram Hmangaihtu’ tih music video a siam a, hei hi a music video hmasa ber niin, tunah hian Buta hla video an buaipui mek a, hei bakah hian ama hla phuah thenkhat pawh video siam tumin a buaipui mek bawk. Zaii hian December ni 10 vel hian Chennai pan a tum leh tawh a, hemi hma hian a music video pakhat chu kan hmu leh hman dawn e,

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy