Daily Newspaper

Tunkar chhungin India-ah Covid-19 kai nuai 10 tling ang : Rahul

26

Congress leader Rahul Gandhi chuan tunkar chhungin India rama coronavirus kai mi nuai 10 an awm hman tur thu a sawi a. “Tunkar chhungin mi 10,00,000 kan kai ang” tiin Hindi in a tweet a ni.

Gandhi chuan WHO chief thusawi hmalakna nasa a awm lo a nih chuan pandemic chuan nasat zual lam a pan tur thu a sawina a tarlang zui bawk.

World Health Organisation (WHO) chief chuan khawvelsorkar tin te chu coronavirus beihletna kawngah ngaihdan in ang nei lo tia sawiin tun ang renga inkaichhawn a nasa a nih chuan virus chu hmehmih mai a nih dawn loh thu a sawi a ni.

India ramah Thawhlehni khan virus kai thar 28,498 hmuhbelh niin nuai riat kai an awm hnu ni thum lekah nuai kua kai an tling hman niin Union health ministry data chuan a tarlang a.

India ramah coronavirus kai 9,06,752 tling tawhin nunna chan 23,727 an awm tawh bawk a, darkar 24 chhungin nunna chan 553 an awm bawk a ni.

Rahul Gandhi chuan Centre-in India chu Covid-19 beihletna kawngah dinhmun thaah a awm tia PM Modi sawi chu a hnial zui bawk a. Sorkar chetlak dan sawisel tu langsar tak a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy