Tunkar hla lar zual top 10-ah KPop Demon Hunters hla 5 lang
KPop Demon Hunters soundtrack chuan a vanglai a tawng a ni ber mai a, kar khat chhunga khawvel huapa hla lar dan tehna, Billboard Global 200 chart top 10-ah hla panga a nei thei a, he animated film soundtrack HUNTRIX “Golden” chu No.1 niin, he chart-ah hian a zawn lovin kar ruk a No.1 tling ta a, HUNTRIX hian top 10-ah hla pathum neiin, Saja Boys-in pahnih an nei ve thung.
Billboard Global 200 chart hi kar kht chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
HUNTRIX (EJAE, Audrey Nuna & REI AMI) “Golden” chu a vawi khat nan July thla khan No.1 a kai a, EJAE, Audrey Nuna leh REI AMI te tan he chart-a an No.1 vawi khatna a ni. An hla dang, KPop Demon Hunters soundtrack bawk “How Its Done” chu No.5-ah bawk awm lehin, he animated film soundtrack atana HUNTRIX hla dang “What It Sounds Like” chu No.11 atangin No.10 a kai thar bawk. Tihian HUNTRIX-in tunkar chart top 10-ah hla pathum an nei ta a ni.
KPop Demon Hunters soundtrack dang, Saja Boys (Andrew Choi, Neckwav, Danny Chung, Kevin Woo & samUIL Lee) “Soda Pop” chu No.3-ah bawk awm lehin, Saja Boys hla dang “Your Idol” chu No.4 a ni bawk. Tihian, KPop Demon Hunters soundtrack panga chu tunkar Billboard Global 200 chart top 10-ah an lang thei ta a ni.
KPop Demon Hunters hian record siamin, he chart-a tum khata soundtrack top 10-a lang thei hla panga nei thei hmasa ber a ni a, hei bakah hian film zingah tum khatah mai pawh ni lovin, chart top 10-a soundtrack panga lanpui thei hmasa ber a ni bawk.
Soundtrack ni loah chuan tum khata chart top 10-a hla panga nei thei album a awm ve nual tawh a, Bad Bunny “DeBI TiRAR MaS FOToS” leh “Un Verano Sin Ti”; Kendrick Lamar “GNX”; Taylor Swift “The Tortured Poets Department”, “1989 (Taylor’s Version)” leh “Midnights”; Drake “For All the Dogs” leh 21 Savage nena an album intawm “Her Loss” bakah “Certified Lover Boy” leh Harry Styles “Harry’s House” te an ni.
Tunkar Billboard Global 200 chart top 5-a KPop Demon Hunters soundtrack ni lo lang awmchhun chu Alex Warren “Ordinary” niin, No.2-ah bawk a awm leh a, he hla hi May thla khan chart No.1 kaiin, a zawn lovin chart-ah hian kar 10 a No.1 thei.
Billboard Global 200
Top 10:
1 Golden – HUNTR/X: EJAE, Audrey Nuna & REI AMI
2 Ordinary – Alex Warren
3 Soda Pop – Saja Boys: Andrew Choi, Neckwav, Danny Chung, Kevin Woo & samUIL Lee
4 Your Idol – Saja Boys: Andrew Choi, Neckwav, Danny Chung, Kevin Woo & samUIL Lee
5 How It’s Done – HUNTR/X: EJAE, Audrey Nuna & REI AMI
6 Back To Friends – sombr
7 Jump – BLACKPINK
8 Daisies – Justin Bieber
9 Die With A Smile – Lady Gaga & Bruno Mars
10 What It Sounds Like – HUNTR/X: EJAE, Audrey Nuna & REI AMI
Tunkar hla lar zual top 10-ah KPop Demon Hunters hla 5 lang
