Eng emaw tihpui nikhua ten an lu tuam nan an hman thin turban an tih mai hi puan sei ve fê mai a ni a, khum tura han veh kual vel chhung pawh a rei duh ve fû ang, mahse, Aditya Pacholy chuan Guinness World Record siam nan a hmang a, turban vet rang ber record a siam a, second 14.12 chhungin midang luah turban a vet chhuak hman.
Turban, ‘pagri’ an tih bawk hi Indian culture-ah a bet ve tlat a, incheina pakhat a ni a, Punjab, Rajasthan, Maharastra leh Gujarat-ah te phei chuan an nitin incheina pakhat a ni. Turbanveh hi en mai chuan a harsat hmel vak lo a ni mai thei, mahse, a lan ang ngawt a ni lo. Art a ni ve a, dawhtheih leh zir ve fê ngai a ni.
Madhya Pradesh a cheng Aditya Pacholy erawhin a hnehsawh khawp mai, chutihrualin turban veh dan pawh hi a chi hrang a awm ve a, Aditya’n record siam nana a hman hi Rajputi Rajasthani Pagdi an tih ang chi a ni
Turban vet rang record siam
