Daily Newspaper

Turin club-in Suarez lei dawn lo

16

Serie A champion Juventus leh Uruguay international Luis Suarez-te’n mimal inremna an peihfel hnuah Turin khaw club an inhn<kdawk leh thut a, Barcelona striker an lei loh tur thu Sporting director Fabio Paratici chuan a nemnghet.

Barca coach thar Ronald Koeman-a’ Nou Camp office a luah phatah South American striker Suarez chu a hma-chhawp zinga a tel loh thu a sawichiang nghal dawt a, Liverpool striker hlui hi hmaichhanah pawh hmu loin telephone-ah a laka a rilru puthmang a hrilh a, Suarez chu club dang dawr remtihsak a ni nghal a, Italian champion nen sawizawm a ni nghal.

Juventus nen hian an indawr zui nghal a, mimalin inremna pawh an puitlin hman a, a man atan pawh euro mak-taduai 10 (£9m/USD 12m) an sawifel a, Suarez pawh hian pass-port la tura pawimawh language exam hma-chhawn turin Italy a thlawklut hman a, tun nipui thawt lai ngei hian Lionel Messi then-awmpa chu Spain atangin Italy ramah a inpulut ngei dawn niin a lang hman a, mahse, Juve lam hian an sawi-nawi chho ta tlat niin a lang a, coach thar Andrea Pirlo chuan tunhnaiah passport chungchanga harsatna awm theite a sawichhuak a, Champions League atana an squad tur Uefa lama thehluh a lo ngai chho hnai ta bawk nen Bianconeri chuan Barca striker an hawisan ta nge nge a, tlarhma lama an squad thuamchak turin kawng dang an rek zawk dawn ta niin a lang.

Paratici chuan Sky Sport hnenah an hawilam hrilhchiangin, “Suarez chu kan list atangin a thaibo theih ta a, a chhan pawh passport buaipui chhung hian transfer deadline kan pel mai dawn a, Champions League list thehluh a lo hun chho hnai ta bawk nen kawng a ping ta tlat a ni.

“Kan han beisei lai khan Suarez hian Italian citizenship lak a buaipui a, a hun taka ziahluh hman kan inbeisei kha a ni a, a tum angin thil a kal ta mai si lo a, khaw dang kan hawi mai a ngai dawn ta a ni,” a ti.

Juve hi Roma striker Edin Dzeko nena sawi-zawm an ni m>k a, media lam chuan Bosnia-Herzegovina interna-tional nen hian inremna an peih fel tawh niin an tarlang nghe nghe.

Sporting director Paratici chuan kum 34 mi Dzeko chauh chu an tinzawn a nih loh thu leh player thar lei kawnga an hmanhmawh lutuk loh tur thu sawi chungin Juven-tus-in centre-forward an mamawh thu leh tun dinhmunah striker pakhat bak lei tumna an neih loh thu a sawichiang.

Everton lama season khirh tak hmang zo Moise Kean chu Juventus hian hruaikir an tum dawn niin Italy lamah chuan thu a thang mek bawk.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy