Turkey-ah lirnghing hlauvin pawnah mi tam tak awm

Turkey-ah lirnghing hlauvin pawnah mi tam tak awm
Istanbul bul vel chu Nilaini khan magnitude 6.2-a na leh nghing nawn vawi eng emaw zatin a sawi a, building a nghing na nasain mi chengte chu hlauvin pawnah an tlanchhuak nasa hle.
In sang atanga him tuma zuang chhuak zinga mi 151 velin hliam an tuar niin Turkey-a khawpui lian ber governor chuan X-ah a tar lang a. Thi an awm lo va, thil tichhiat liantham pawh a awm lo niin thuneituten an sawi.
Lirnghing na ber hi chhun dar 12:49 (India-a chawhnu dar 03:09)-ah lei hnuai km 6.92-a thuk atanga intanin a thawk niin Turkey-a emergency services chuan an sawi.
Chawhnu thlenga nghing nawn a awm avangin mi tam tak chu khawlaiah an la awm a, thenkhat chu pawn lamah a him zawk beiseiin zan riah tuma intintuah pawh an awm.
Magnitude 6.2-a na hi Sea of Marmara kam, Istanbul atanga khawthlang lam km 80 chuang hreta hla, Silivri atanga intan a ni a. Khawpui thuneitute chuan nghing nawn vawi 50 chuang a awm tawh niin an sawi.
Mi chengte chuan a nghing na ber hi kum tam tak hnua an tawn nat ber a nih thu an sawi hlawm a, tam tak chuan a aia na a thawh an hlauthawng hle tih an sawi.
Besiktas-a an kawn lun ber, zirlai tam tak awmna leh an khawpuia lun berah chuan thim hnu thlengin mi tam tak ina awm ngam lo an la awm khawm.
Zirlai pakhat, Selim Ustaoglu chuan a mamawh zualpui kengin a tlanchhuak a, zanah pawh a haw ngam lo mai thei tih a sawi.
A ip tereuh teah charger, hanawhna leh a kawr lum duh ber kengin kawn hi a pan a. “Zanin chu hetah hian ka riak dawn,” a ti.
Zirlai dang, Zeynep Akıncıoglu pawhin an in chu nghing nawn leh a awmah a him thei dawn lo nia a hriat thu a sawi a. “Ka kir ngam tawh rih lo, kan building kha a nghet tawk lovin ka hria,” a ti.
Koç University-a economics professor Selva Demiralp-i chuan a nghin lai khan in chhawng sang takah an chhungkuaa an awm thu leh a hlauhawm tak zet thu a sawi.
“Kan him a, building-te pawh chhia a awm lo niin kan hria,” a ti a. Heti chung hian mi tam takin nghing tawh chu ‘nghing hmasa’ nia an hriat thu leh ‘a tak tak zawk a lo la thleng dawn’ nia an ngaih hlawm thu a sawi.
Khawpuiah hian thil chhe tenau chu a awm a. Thuneitute chuan Europe khawmualpui lama Fatih district-ah chhia a awm nual bawk tih an sawi.
Energy leh gas lakna, tui lakna leh thli luanna chu engmah a khawih pawi lo niin X-ah an tar lang bawk.
Nilaini kha sorkar chawlh a nih avangin sikul khar a ni a. Ningani leh Zirtawpni pawh chawlh puan zui a nih thu Education Minister Yusuf Tekin chuan a sawi a, hmun awlte chu hmun him atan hman a ni dawn tih a sawi.
Turkey chhim lam hi kum 2023 khan lirnghing na tak pahnihin sawiin mi 55,000 chuang an thi.
Istanbul hi Turkey-a mihring chen tamna ber khawpui niin maktaduai 16 an cheng a, an rama cheng hmun ngaa thena hmun khat zet an ni a. North Anatolian Fault Line hmar lam km 20 leka awm a ni.