TVS Motor Company chuan an scooter model hriathlawh tak NTorq 125 chu a chi thar ‘Race Edition’ chu Makina Auto Show, Plilippines-ah an tlangzarh ta. He scooter hi ‘Race Edition’ a nih ang ngeiin, racing lam tuipui leh hetiang lam hawi scooter melh te hip lehzual tura duan a ni. NTorq 125 Race Edition hian feature thar a nei nual a, ‘Stealth Black; colour scheme a awm thar bawk. Hei bakah hian chequered flag graphics a side panel-ah nei tharin, ‘Race Edition’ badge a hmalam apron-ah a nei thar bawk.
NTorq 125 Race Edition feature neih thar zingah hian full-LED headlamp leh 5.5-inch digital instrument cluster leh Bluetooth connectivity a tel a, application- TVS Connect a thuam a nih bakah special race-inspired user interface a nei bawk. TVS SmartXonnect a thuam a ni a, hemi hmang hian smartphone nena thlunzawm theih a ni a, smart connected feature hrang hrang a nei bawk. A connected feature te hi fully digital instrument cluster a neih kaltlangin a access theih bakah feature 60 chuang a nei bawk.
A mechanical-ah chuan NTorq 125 Race Edition hian 125cc engine tho a la nei a, 9.25 bhp leh 10.5Nm torque pechhuak thei a ni a, a top speed chu 90 kmph niin, second 9.1 chhungin 0-60 kmph a chakin a tlan hman niin an chhal.
TVS NTorq 125 Race Edition
![](https://theaizawlpost.org/wp-content/uploads/2023/04/tvs.jpg)