Daily Newspaper

Twitter hacktute FBI in chhuichiang tan nghal

19

FBI te chuan hackers tena US mi lar ber ber a landana Bitcoin scam vanga an Twitter account an hack chu a chhui chiang dawn.

“Cryptocurrency fraud kaihhnawihah accounts te hi khawih buai niin a lang” tiin FBI chuan sawiin mipuite fimkhur turin a ngen a.

Elon Musk, Bill Gates leh Joe Biden te chu account hack sak zingah an tel thu Twitter chuan sawiin ruahmanna fel taka kalpui a nih thu an sawi bawk.

Heng official account hmangin cryptocurrency ah donation pe tura ngenna an post sak a.

“Mi ten luangchhuak turin min ngen a” tia Bill Gates account atanga tweet in, “$1,000 min thawn chuan, $ 2,000 zel ka thawn ang che u” tiin an post zui bawk.

US Senate Commerce committee chuan twitter te chu thil awm dan dik tak fiah taka 23 July hmaa sawifiah turin thupek an pe zui bawk a.

Twitter chuan hackers te hian an hnathawk ‘system lairil leh hmanrua engkim hriate an tum bik’ tiin a sawi a.

“Hackers te hian he mi hmang hian account tam tak khawih theiin an aiawhin an Tweet zui ta a ni,” tiin an sawi bawk.

Company chuan investigation an neih mek thu sawiin hei vang hian Bitcoin wallet kaihhnawiha tweet te an khap zui rih bawk.

He tihlai hian President Trump account erawh khawih buaiin a awm ve lo niin White House chuan a sawi thung a.

Nikum khan Twitter chief executive Jack Dorsey account pawh hack a ni tawh a, mahse, company te chuan hack a nih theihna chhan chu an thuam that tawh thu an sawi thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy