Kumin a\angin FIFA U15 World Cup and Festival an tih chu a bul an \an a, ram (team) 189 zet chhuak zingah India rawltharte hian 87-na an hauh pha!
India U15 football team hian karliamta Zirtawpni daih tawh khan Baku khawpuia an match hnuhnung berah 6-4-in Cuba an sawp a; India team-a Mizo tel pathum zinga pahnih Victor Lalawmpuia (1st & 23rd) leh R. Lalremruatfela (12th & 27th)-te’n goal hnih ve ve an thawh nghe nghe.
Tournament chhungin India hi vawi nga chakin, vawi li an tlawm a, draw vawi khat neiin, FIFA U15 World Cup position siamna pakhat quarter-final lamah 1-2-in Afghanistan an hneh lo a, position dsang zawk beiseina a tawp fel ta a ni.
Blue Colts hneh ram pangate chu – Laos, Cameroon, Bahrain, Trinidad & Tobago leh Cuba tihte an ni a; Senegal, Honduras, Afghanistan leh Kazakhstan lakah tlawmin, Grenada an inhnehtawkpui thung.
India squad
Goalkeepers:: Dhannya Desai, Jenit Ningthoujam
Defenders: Birjit Singh Amom, Muhammad Sohil Khan, Nara Meitei Loushambam, Pratham Kumar, Soumojit Sarkar
Midfielders: C. Lalhmingropuia, R. Lalremruatfela, Victor Lalawmpuia, Deepak Singh Arambam, Nibash Meetei Wahengbam
Forwards: Macdonnish Ngairangbam, Ronandev Aheibam