Site icon The Aizawl Post

UCC aiin intiamna bawhzui turin CM rawn

Uniform Civil Code lam aiin Mizoram mipui hnena a intiamna tihlawhtling turin bawhzui zawk turin BJP Mizoram president chuan chief minister a ngen tih a sawi.

Thawhtannia an state office-a inkhawmah BJP Mizoram president Vanlalhmuaka chuan MNF Legislature Party thukhawmin thil awm lo leh do ngai rih miahlo Uniform Civil Code (UCC) do a, Assembly Session-a UCC dodalna putluh an tum chu mipui ngaihdan hruaikawi tumna leh fuihpawrh tumna a ni, tiin, Mizoram mipui hnena an intiamna an tih theih loh laka inphen tumna mai a ni tih a sawi.

Thil awm rih lo UCC buaipui loa, Mizoram mipui hmaa an intiamna, chhungtin tan cheng nuai 3 sem, kum hnih chhunga Aizawl khawpui traffic jam awm lohnaa siam, Aizawla kawng chhawng siam, Vai buhfai ring loa buh leh bala intodelh, Assam Rifles Zokhawsanga sawn chhuah leh Assam – Mizoram ramri buai chungchangah te ngaihtuahna seng zawk turin chief minister e ngen tih a sawi a ni.

“UCC chungchanga MNF president Pu Zoramthanga kaihhruai Committee-in UCC chu central sawrkarin Parliament-ah pass mai tura an ngaih avanga an party-in a tawp thlenga an do tur thu an puan chu thil tak tak lo, dawt a ni tih MP Pu K Vanlalvena zawhna Union minister Kiran Rijiju chhanna chuan a tichiang hle a; MNF party mawng hlimna mai a ni,” Vanlalhmuaka hian a ti.

Union Budget 2023-2024 chu India ram mi chitin thleng phak leh chhawr theih tur BJP sawrkar, Pu Modi kaihhruaiin a buatsaih leh ta chu a lawmawm hle tih BJP Mizoram president hian a sawi a. Mizoram sawrkar pawhin Union Budget a thal theih tura budget dah hi Mizoram mipuiin kan chhawr theih ngei turin finance changtu chief minister chu hma la turin an phut tih a sawi bawk.

Exit mobile version