Daily Newspaper

UCL – Lyon an champion nawn leh

14

Pathianni zan khan Women’s Champions League final khelh a ni a, vawili champion zawn tawh Lyon chuan an khingpui Wolfsburg chu 3-1 in an hneh a, a zawna a vawinga nan an champion.

Hmeichhe final hi champion lai Lyon hian a tir atangin an thunun tluan a, champion phuin an inlan. Minute 25-naah Eugénie Le Sommer chuan hmahruaina a goal a thun a. Chawlhlawk dawn hnaih minute 44-naah Saki Kumagai chuan thun belh lehin si hnih faia hmahruai chungin chawlhlawk an hmang.

Chawlhlawk hnu lamah German club Wolfburg an che fuh hmasa zawk ve thung a, minute 57-na lekah Alexandra Popp chuan goal thunin an si phurh a sut then. Goal dang a luh belh lawk lova, Wolf Burg hian an si phurh sut zawh ngei an tum laiin hun tawp dawn hnaihah Lyon an che fuh a, minute 88-naah Sara Björk Gunnarsdottir chuan an chakna nem nghet turin an goal thumna a thun a, a zawna a vawinga nan an champion zui leh ta nge nge a ni.

England right-back Lucy Bronze chuan a zawn zatin European lal lukhum vawithum a khum zawn a, Women’s Champions League-ah vawi sarih champion tawhin hmeichhe player zinga champion team a tel ngun ber a ni nghe nghe. Broze hian final khelh a nih hmain UCL final hi Lyon tan a khelh hnuhnung ber tur a nih thu a lo sawi tawh a. A kalsan mai tur Lyon tan tha taka khelin trophy hlu tak nen ngei a ropuina hmun Lyon chu a kalsan zui ta a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy