Daily Newspaper

UCL – Manchester City kawng a harsa dawn

16

Nimin khan champions league quarter final leh semi final-a intum turte chu Nyon, Switzerland-ah pawh fel a ni a. Premier League club lian Manchester City kawng a harsa dawn hle. City kawng a harsat lai hian Atletico Madrid tan final luh theihna kawng zau takin a inhawng ve thung.

City hian last 16 second leg khelh an la ngai a, Santiago Bernabeu-ah 2-1 a an hneh tawh Real Madrid an mikhual ve leh ang. Last 16 khelh hmasak hi Lisbon lama khelh lovin, khualmualah fehchhuak tawh club ten an thleng veleh phawt dawn niin a lang. Chuti a nih chuan City hian Real Madrid hi Etihad Stadium-ah an mikhual thei dawn. An mualah si khat faiin tlawm pawh nise khual-mual goal hmangin quarter final an lut thei dawn tho thung.

Pep Guardiola team te hian quarter final an lut a nih pawhin khingpui hautak tak an nei dawn a, Lyon leh Juventus te inkhela chak zawk zawk an hmachhawn a ngai dawn. Juventus hian khualmualah 1-0 in Lyon hi an hneh lo tawh a, a lehthal zo lo a nih chuan Cristiano Ronaldo chuan kum 10 hnuah UCL quarter final a khelh phak loh hmasak ber hun a tawng dawn. Chutihlai chuan Turin khawpuia inkhel tur an nih vangin Juventus hian quarter final an luh erawh a rinawm hle tho thung. Juventus in quarter final an lut a nih chuan City emaw, Real Madrid emaw an hma-chhawn a ngai dawn a, inkhel hmuhnawm tak a ni ngei dawn.

City hian semi final lo lut hlauh pawh nise Bayern Munich emaw Barcelona emaw an hmachhawn a la ngai dawn tho mai. Semi final-a Bayern Munich/Barcelona hmach-hawn hi tu team mahin an chak hauh lo ang. Anni lam atang hian City/Juventus/Bayern Munich/Barcelona ten final lo lut ta pawh nise champion lai Liverpool hnehtu Atletico Madrid emaw, Parist St Germain emaw final-ah an ham-chhawn a la ngai dawn cheu a ni.

Last 16 secon leg-ah Chelsea in Bayern Munich an hma-chhawn leh dawn a, an mualah si thum faia tlawm tawh an nih vangin Blues hi tla chiang tluka ngaih theih an ni. Bundesliga champion Bayern Munich hi German Cup-ah an champion leh tawh bawk a, UCL-ah an champion leh thei a nih chuan treble champion an ni thei dawn a, champion tumin tan an khawh nasa hle ngei ang. Barcelona leh Napoli te hi 1-1 in an lo inhnehtawk tawh a, Nou Camp-a inkhel leh tur an nih vangin Barca hi quarter final lut tura rinkai an ni. Hetihlai hian Atletico Madrid, Atalanta, PSG leh RB Leipzig te chuan quarter final an lut chiang tawh thung.

Atletico kawng a awlsam
Team tlo, UCL final-a vanduai thei tak Atletico Madrid kawng a awlsam dawn niin a lang. Anfield-ah pawh Liverpool hneh thei ngaitu Diego Simeone-a team te hian quarter final-ah UCL newcomer Atalanta an hmachhawn dawn a, semi final lut tura rinkai an ni. Atalanta an hneh a nih chuan PSG hma-chhawn zui leh tura ngaih an ni. PSG hian quarter final-ah PB Leipzig an hmachhawn dawn a, an goal thun khawl Timo Werner tel lova inlan tur RB Leipzig hi an paltlang ngei tura ngaih a ni.

Atletico Madrid leh PSG te hi semi final-ah intum ta se inkhel hmuhnawm tak a ni ngei dawn. Manager thluak tha Simeone-a team te hian khualmual ngam vak lo thin PSG hi hneh theihna hun tha tak an neih a rinawm.

Champions League last 16 khelh hmabak la awmte hi August ni 7 & 8-ah khelh zawh a ni ang a. Quarter final atang hian Portugal khawpui Lisbon-ah khelh a ni dawn a. Benfica leh Spotinh Lisbon stadium-ah khelh a ni ang. Quarter final hi August ni 12, 13, 14, 15-ah te khelh a ni ang a, semi final hi August ni 18 leh 19-ah khelh a ni ang a, final hi August ni 23-ah khelh a ni ang.

UCL quarterfinal fixture
Real Madrid/Manchester City vs. Lyon/Juventus
RB Leizpig vs. Atletico Madrid
Napoli/Barcelona vs. Chelsea/Bayern Munich
Atalanta vs. Paris Saint-Germain

Semifinal fixture
Real Madrid/Manchester City or Lyon/Juventus vs. Napoli/Barcelona or. Chelsea/Bayern Munich
RB Leizpig or Atletico Madrid vs. Atalanta or. PSG
——————–

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy