Daily Newspaper

Udinese-in Juve chelhkhawtlai

32

Ningani zana Serie A inkhel pakhat zawkah team talbuai Udinese khelmualah 1-2-in ni 3,000 zet Italian champion ni z^wn tawh Juventus an tl^wm a, Serie A title an kawl lai hum-him turin khelh hmabak vawithum an la neihah vawi-khat chak an la mamawh.

A z^wna season kua Italian champion ni mai tur Juve hian point thum hmua title la fel thei tawh tur an nihna inkhelah beisei angin goal pawh an thun hmasa leh ngei a, chawlhlawk hnaih tawh lama defender Matthijs de Ligt-a goal khat tihluh hmangin half time-ah sikhat faiin hm^ an hruai.

Second half boruak erawh a dang ta daih a, minute 52-na lekah Ilija Nestorovski chuan mualneitu team siphurh s<tna goal tauhlutin, hun pekbelh minute hnihna a zawh hm^in Seko Fofana chuan pui takin home team chakna solo goal a thawh ve leh a, Udinese-in Turin khaw club champion tur an chelhkhawtlai.

Fofana hian halfway line atanga ball tlanluhpuiin, Alex Sandro a paltlang hnuah De Ligt a pel leh a, Wojciech Szczesny ven goal-ah chakna goal hlu zet a thun.

Juventus hi season an chhunzawm leh hnuah an talbuai titih ta tlat a, an game hnuhnung vawing^ah vawikhat chiah an chak zo a, point 80 neiin table-ah hm^ la hruai mah se khelh thum theuh an la neihah Atalanta (74) leh Inter Milan (73)-te’n an hnaih chho kuar hman a, Ningani zan inkhel danga 2-1-a Cagliari hnehtu Lazio-in Champions League hmun an luah fel bakah chhiarkawp danin hmahruaitu Juve lehpelh theihna ‘chance’ an la nei ve tlat a ni.

Juve boss Maurizio Sarri chuan an result chu tenawm’ tiin a sawi a, fuh taka first half an khelh hnua hrilh anga an khelh t^k loh thu a tarlang a, tun ang season tawp lamah chuan an chauh tlan tawh avangin inkhelh a harsa ve reng reng tih a sawilang tel bawk.

Pathianni hian Sampdoria an tum leh nghal dawn a, an chak chuan champion theihna hun remchang an nei thei tawh ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy